ბათუმის საკრებულოს თავმჯდომარე "ქართული ოცნების" დეპუტატი რამაზ ჯინჭარაძე გახდა.
თავმჯდომარის არჩევის კენჭისყრაში მონაწილეობა არ მიუღიათ "ნაციონალური მოძრაობის", "ლელოსა" და "საქართველოსთვის" დეპუტატებს.
საკრებულოს დღევანდელ სხდომაზე საკუთარი განცხადების საფუძველზე უფლებამოსილება შეუწყდა ლელოს წევრს, ირაკლი კუპრაძეს, მას საკრებულოში ვაჟა დარჩია ჩაანაცვლებს.
ადგილობრივი თვითმმართველობის არჩევნების შემდეგ, ბათუმის საკრებულოს თავმჯდომარის თანამდებობა ვაკანტური იყო, რადგან უმრავლესობა არცერთ პოლიტიკურ პარტიას არ ჰქონდა და სხდომის ჩატარება ვერ ხერხდებოდა.
რამაზ ჯინჭარაძე ბათუმის საკრებულოში შუალედური არჩევნების შედეგად მოხვდა. შუალედური არჩევნების ჩატარება მას შემდეგ გახდა აუცილებელი, რაც "ნაციონალური მოძრაობის" დეპუტატი ნუგზარ ფუტკარაძე გარდაიცვალა.
ფოტო: TV25
