რუსეთის საოკუპაციო ძალებმა ლვოვის აეროპორტის რაიონს სარაკეტო დარტყმები მიაყენა. უკრაინული მედიის ინფორმაციით, რუსებმა 6 ფრთოსანი რაკეტა შავი ზღვიდან ისროლეს.
ორი რაკეტა უკრაინის საზენიტო-სარაკეტო სისტემებმა გაანადგურა.
ლვოვის მერის ინფორმაციით, განადგურებულია საავიაციო-სარემონტო ქარხნის შენობები. მისივე თქმით, ქარხანაში ბოლო ხანებში მუშაობა შეჩერებული იყო და წინასწარი მონაცემებით, მსხვერპლი არ არის.
უკრაინის გენშტაბის ინფორმაციით, ღამით უკრაინულმა ბომბდამშენებმა და მოიერიშე თვითმფრინავებმა რუსულ სამხედრო კოლონას დარტყმები მიაყენეს. საზენიტო სისტემებით გაუვნებელყოფილია 14 საჰაერო სამიზნე, მათ შორის შვიდი თვითმფრინავი, სამი უპილოტო და სამი ფრთოსანი რაკეტა.
ფოტო: AP
