ეროვნულმა კრებამ სომხეთის რესპუბლიკის პრეზიდენტად ვაჰაგნ ხაჩატურიანი აირჩია.
"არმენპრესის" ცნობით, პრეზიდენტის ასარჩევად მეორე ტურის გამართვა გახდა საჭირო. არჩევნების მეორე ტურში მხოლოდ (მმართველი პარტიის) 71 დეპუტატი მონაწილეობდა. ყველა მათგანმა მხარი დაუჭირა ხაჩატურიანის კანდიდატურას.
ხაჩაუტრიანის კანდიდატურა მმართველმა პარტიამ "სამოქალაქო თანხმობა" წარადგინა. კენჭისყრაში, პროტესტის ნიშნად, ოპოზიციური ფრაქციები "ჰაიასტანი" და "მე მაქვს ღირსება" არ მონაწილეობდნენ.
მანამდე ხაჩატურიანი მაღალტექნოლოგიური მრეწველობის მინისტრის თანამდებობას იკავებდა.
სომხეთის პრეზიდენტის პოსტი ვაკანტურია 2022 წლის 1 თებერვლიდან, მას შემდეგ რაც ძალაში შევიდა სომხეთის მე-4 პრეზიდენტის არმენ სარქისიანის გადადგომა. სარქისიანმა გადადგომის შესახებ 23 იანვარს განაცხადა.
