"ქართულ ოცნებაში" საპარლამენტო უმრავლესობის სხდომა გაიმართება. პარტიის პრესსამსახურის ინფორმაციით სხდომა "ქართული ოცნების" ცენტრალურ ოფისში 18.00 საათზე დაიწყება.
მანამდე, პარტიის თავმჯდომარემ ირაკლი კობახიძემ განაცხადა, რომ უმრავლესობის სხდომაზე მიიღებენ გადაწყვეტილებას, შეუჩერებენ თუ არა საპარლამენტო მანდატს ბადრი ჯაფარიძეს, შალვა ნათელაშვილსა და ელენე ხოშტარიას.
"დღეს 3 დეპუტატთან მიმართებით მესამედ განიხილება ასეთი საკითხი. საღამოს გვექნება უმრავლესობის სხდომა, სადაც ვიმსჯელებთ და მივიღებთ საბოლოო გადაწყვეტილებას. მანამდე რაღაც კომენტარის გაკეთება გაგვიჭირდება. უმრავლესობა საღამოს ამასთან დაკავშირებით საბოლოო გადაწყვეტილებას მიიღებს. აქამდე, მიუხედავად იმისა, რომ ოპოზიციონერმა დეპუტატებმა დაწერეს შესაბამისი განცხადებები და აცდენდნენ სხდომებს, ჩვენ 2-ჯერ მივიღეთ გადაწყვეტილება 60 ოპოზიციონერი დეპუტატისთვის საპარლამენტო მანდატის შენარჩუნებასთან დაკავშირებით", - განაცხადა ირაკლი კობახიძემ.
ბადრი ჯაფარიძის, ელენე ხოშტარიასა და შალვა ნათელაშვილისთვის სადეპუტატო უფლებამოსილების შეწყვეტას მხარი დაუჭირა საპროცედურო კომიტეტმა. საბოლოო გადაწყვეტისთვის საკითხი პლენარულ სხდომაზე უნდა განიხილონ.
