14 თებერვალს, 14:30 ზე, ფრაქცია "ლელოს" მოწვევით, დამოუკიდებელი იურისტების ჯგუფი გამართავს საჯარო დისკუსიას ხარაზაძე/ჯაფარიძე/წერეთლის მიმართ გამოტანილ განაჩენზე.
დისკუსია გაიმართება პარლამენტში, კონსტიტუციის დარბაზში, შესაძლებელია დასწრება ასევე ონლაინ ფორმით.
დისკუსიაში მონაწილეობას მიიღებენ ადვოკატები, აკადემიური სფეროს წარმომადგენლები, სამართლის ექსპერტები და სხვა დაინტერესებული პირები.
დისკუსია ასევე ლაივ რეჟიმში გადაიცემა დამოუკიდებელი იურისტების ფეისბუკ გვერდზე.
დამოუკიდებელი იურისტების ჯგუფი მართლმსაჯულების სისტემის პროფესიონალებისგან (ადვოკატები, ყოფილი მოსამართლეები, სამართლის ექსპერტები) შემდგარი ჯგუფია, რომლის მიზანია საქართველოს სასამართლო სისტემის გაჯანსაღება საზოგადოებასთან დიალოგის და ადვოკატირების გზით.
