დიდი ბრიტანეთის პემიერ-მინისტრი ბორის ჯონსონი აცხადებს, რომ სამხრეთ-აღმოსავლეთ ევროპის დასაცავად განიხილავს "ტაიფუნის/Typhoon" ტიპის მოიერიშეებისა და სამხედრო ხომალდების გაგზავნას.
ის ამბობს, რომ რუსეთის ქმედებები უკრაინის მიმართ, ნატოს აიძულებს ევროპაში თავისი პოზიციები გაიმაყრაოს.
"თუ ის [რუსეთი] დაიწყებს კიდევ ერთ შეჭრას, აიძულებს დასავლეთს განახორციელოს ბევრი ისეთი რამ, რის პრევენციასაც ცდილობს. სინამდვილეში ეს უკვე ხდება", - განაცხადა ჯოსნონმა The Times-ის მიერ გამოქვეყნებულ სტატიაში.
პრემიერმა აღნიშნა, რომ უკრაინის გარშემო შექმნილი დაძაბულობის შედეგად, "ამერიკა, საფრანგეთი, იტალია და სხვა მოკავშორეები გზავნიან ნატო-ს სამხრეთ-აღმოსავლეთ ფლანგზე ძალებს, ისევე, როგორც დიდი ბრიტანეთი ამაგრებს ჩრდილო-აღმოსავლეთს".
ამასთან, ჯონსონმა აღნიშნა, რომ კვლავ შენარჩუნებულია უკრაინის კრიზისის მოგვარების შესაძლებლობა დიპლომატიური გზით, იმ პირობით თუ რუსეთი სიტუაციის დეესკალაციას უზრუნველყოფს.
ამასთან, ჯონსონმა დასძინა, რომ დიალოგის გზით პრობლემის მოგვარების მიზნით მოსკოვში უახლოეს დღეებში გაემგზავრებიან ბრიტანეთის თავდაცვის მინისტრი ბენ უოლესი და საგარეო საქმეთა მინისტრი ლიზ ტრასი
