უკრაინამ იარაღის მიწოდების მოთხოვნით გერმანიას ოფიციალურად მიმართა. იუწყება გერმანულენოვანი გამოცემა Süddeutsche Zeitung-ი.
გამოცემის ინფორმაციით, კიევმა ბერლინს გაუგზავნა შეიარაღების ჩამონათვალი, რომლის მიღებაც სურს გერმანიისგან.
გავრცელებული ცნობით, დოკუმენტი შეიცავს იარაღისა და სამხედრო აღჭურვილობის დეტალურ ჩამონათვალს. კერძოდ, საშუალო სიშორის საჰაერო თავდაცვის სისტემებს, გადასატან საზენიტო-სარაკეტო სისტემებს, უპილოტო საფრენ აპარატების საწინააღმდეგო რადიოელექტრონულ გადასატან კომპლექსებს, მიკროტალღური იარაღის სისტემებს, ელექტრონულ რადიოლოკაციურ სისტემებს, ღამის ხედვის მოწყობილობებსა და სხვა ტიპის შეიარაღებას.
კიევის წერილში ხაზგასმით აღნიშნულია, რომ საუბარია მხოლოდ და მხოლოდ "თავდაცვითი იარაღის სისტემებზე".
üddeutsche Zeitung-ის ცნობით, გერმანიის თავდაცვისა და საგარეო საქმეთა სამინისტროებისთვის გაგზავნილ წერილში უკრაინა ითხოვს, ბერლინმა მისი მოთხოვნა განიხილოს "უახლოეს მომავალში".
გერმანიის მთავრობა ამ დრომდე უარს ამბობს უკრაინისთვის იარაღის მიწოდებაზე. ბერლინის ეს პოზიცია კიდევ ერთხელ დაადასტურა კანცლერმა შოლცმა 3 თებერვალს ZDF-თან ინტერვიუში. გერმანიის პოზიციას აკრიტიკებენ ნატო-ს აღმოსავლეთ ევროპელი მოკავშირეები და თავად კიევიც.
ოლაფ შოლცი და გერმანიის საგარეო საქმეთა მინისტრი ანნალენა ბაერბოკი მალე უკრაინას ეწვევიან.
ბურბოკი კიევში პრეზიდენტ ვოლოდიმირ ზელენსკისა და მის კოლეგას დმიტრო კულებას 6 თებერვალს შეხვდება, ხოლო მეორე დღეს ეწვევა საკონტაქტო ხაზს დონბასში.
შოლცი კიევში 14 თებერვალს ჩავა, ერთი დღის შემდეგ კი მოსკოვში რუსეთის პრეზიდენტ ვლადიმირ პუტინს შეხვდება.
