NDI-ს კვლევის თანახმად, ყოველი მეორე მოქალაქე ამბობს, რომ საქართველოში დემოკრატია არ არის. 39% ამბობს, რომ ქვეყანაში დემოკრატია არის, ხოლო 11%-მა არ იცის.

მმართველი პარტიის მხარდამჭერებში, 70% აცხადებს, რომ საქართველოში დემოკრატია არის, ოპოზიციის მხარდამჭერებში კი 21%.

გარდა ამისა, კვლევის შედეგების მიხედვით, უმრავლესობის მოსაზრებით, საქართველო თავისი მეზობლებისთვის  დემოკრატიის კარგი მაგალითი არ არის.

კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2021 წლის 7-13 დეკემბერს ჩატარდა. სატელეფონო ინტერვიუს მეთოდი ჩატარდა 2 099 დასრულებული ინტერვიუ. საშუალო ცდომილების ზღვარი არის +/- 1,3%. რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ.

ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით). გარდა ამისა, კვლევა წარმომადგენლობითია თბილისის, ურბანული და სოფლის ტიპის დასახლებებისთვის.

კვლევა დაფინანსებულია დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობის საგარეო, თანამეგობრობისა და განვითარების ოფისის კარგი მმართველობის ფონდის მიერ.