"ვითხოვთ ღირსეულ ხელფასს"- ამ მოთხოვნით სოციალური მომსახურების სააგენტოს თანამშრომლებმა ბათუმში აქცია გამართეს. ისინი ამბობენ რომ საარსებო მინიმუმზე დაბალი ანაზღაურება აქვთ, და არ აქვთ შესაბამისი სამუშაო პირობები.
იგივე მოთხოვნებით სოციალური მომსახურების სააგენტოს თანამშრომლების აქცია მიმდინარეობს თბილისშიც, მთავრობის ადმინისტრაციასთან. აქციის მონაწილეები პრემიერ-მინისტრთან და ჯანდაცვის მინისტრთან შეხვედრას ითხოვენ.
სოციალური აგენტები ანაზღაურების 100%-ით გაზრდასა და ტრანსპორტის ხარჯების უზრუნველყოფას ითხოვენ. 400-მდე სოციალური აგენტი უკვე მეოთხე დღეა, გაფიცულია და ვალდებულებების შესრულებაზე უარს ამბობს.