საჰარის უდაბნოში, ჩრდილო-დასავლეთ ალჟირში ტემპერატურის ძლიერი ვარდნის გამო, თოვლი მოვიდა.
BBC-ის ცნობით, ტემპერატურა -2 გრადუსამდე დაეცა.
წლევანდელი თოვლი საჰარის უდაბნოს ამ ნაწილისთვის მოულოდნელი არ არის, რადგან მსგავსი შემთხვევები 2021, 2018, 2017 და 2016 წლებშიც დაფიქსირდა.
ადგილობრივების თქმით, თოვლის ხილვა ყველაზე განსაცვიფრებელი 2016 წელს იყო, რადგან იგი უდაბნოში 1979 წლის შემდეგ არ ენახათ. როგორც ჩანს, ბოლო წლებში თოვლი ცხელ უდაბნოში არც ისე იშვიათი მოვლენა გახდა.