უკრაინის პრეზიდენტი ვოლოდიმირ ზელენსკი, აშშ-ისა და რუსეთის ლიდერების მონაწილეობით, სამმხრივი შეხვედრის ინიციატივით გამოვიდა. ამის შესახებ უკრაინული მედიის ცნობით, ზელენსკის ადმინისტრაციის ხელმძღვანელმა ანდრეი ერმაკმა განაცხადა.
ერმაკის განცხადებით, ზელენსკიმ ეს წინადადება პრეზიდენტ ბაიდენს უკვე შესთავაზა.
"ველოდებით რუსული მხარის რეაქციას, ამერიკელი პარტნიორები ჩვენს წინადადებაა ინტერესით მოეკიდნენ", - თქვა ერმაკმა.
სატელეფონო საუბარი ზელენსკისა და ბაიდენს შორის 3 იანვარს გაიმართა. როგორც ჩანს, სწორედ ამ საუბრისას შესთავაზა ზელენსკიმ აშშ-ის პრეზიდენტს სამმხრივი შეხვედრის შესახებ ინიციატივა.
მოგვიანებით, ინიციატივას გამოეხმაურა კრემლის პრესსპიკერი დმიტრი პესკოვი, რომელმაც განაცხადა, რომ ასეთი შეხვედრის შესახებ შეტყობინება არ მიუღიათ.
