ნიუ იორკში, საცხოვრებელ კორპუსში გაჩენილ ხანძარს სულ მცირე 19 ადამიანი ემსხვერპლა, მათ შორის 9 ბავშვი.
ხანძარი ნიუ-იორკში, ბრონქსში მდებარე ერთ-ერთ საცხოვრებელ სახლში გაჩნდა.
ნიუ-იორკის მერის ერიკ ადამსის განცხადებით, კიდევ 32 ადამიანი საავადმყოფოში გადაიყვანეს, რომელთაგან რამდენიმე კრიტიკულ მდგომარეობაშია.
სახანძრო დეპარტამენტის კომისარ დანიელ ნიგრო განცხადებით, მეხანძრე-მაშველებმა 19-სართულიანი კორპუსის ყველა სართულზე იპოვეს მსხვერპლი და დასძინა, რომ ხანძარი თავისი მასშტაბებით, ბოლო 30 წლის განმავლობაში, ერთ-ერთი ყველაზე ტრაგიკული მოვლენაა ნიუ იორკის ისტორიაში.
ხანძრის ქრობაში დაახლოებით 200 მეხანძრე იღებდა მონაწილეობას.
ბრონქსში გაჩენილ ხანძრამდე რამდენიმე დღით ადრე ხანძარი იყო ფილადელფიაში. მაშინ ხანძარს 12 ადამიანი ემსხვერპლა, მათ შორის 8 ბავშვი.
