ყაზახეთში კოლექტიური უსაფრთხოების ხელშეკრულების ორგანიზაციის (ОДКБ) სამშვიდობო ძალებს რუსეთის შეიარაღებული ძალების საჰაერო-სადესანტო ძალების მეთაური, გენერალ-პოლკოვნიკი ანდრეი სერდიუკოვი. იტყობინება "ინტერფაქსი" რუსეთის თავდაცვის სამინისტროზე დაყრდნობით.
რუსეთის თავდაცვის სამინისტროს განცხადებით, სამშვიდობო მისიის ხანგრძლივობა ყაზახეთში შეზღუდულია, თუმცა კონკრეტული ვადები არ დასახელებულა.
უწყების ცნობით, რუსი სამხედროების ყაზახეთში გადასროლა რუსული სამხედრო-სატრანსპორტო თვითმფრინავებით - ილ-76 და ან-124 - მიმდინარეობს.
"ყველა მათგანს [სამხედროებს] გავლილი აქვს სპეციალური მომზადება და აქვს რეალური საბრძოლო გამოცდილება", - ნათქვამია განცხადებაში.
"ყაზახეთის რესპუბლიკაში ჩასულმა რუსმა სამხედრო მოსამსახურეებმა დაუყონებლივ დაიწყეს დაკისრებული ამოცანების შესრულება. ამ დროისთვის, ყაზახეთის რესპუბლიკის სამართალდამცავ ორგანოებთან ერთად, ალმათის აეროპორტი სრული კონტროლის ქვეშაა", - აღნიშნულია განცხადებაში.
მანამდე გავრცელდა ინფორმაცია, რომ რუსეთმა, სამშვიდობო მისიის ეგიდით, ყაზახეთში ელიტარული საჰაეროსადესანტო ნაწილები გაგზავნა.
5 იანვარს ყაზახეთის პრეზიდენტმა ყასიმ-ჟომართ თოყაევმა კოლექტიური უსაფრთხოების ხელშეკრულების ორგანიზაციას სამხედრო დახმარება სთხოვა. თოყაევმა განაცხადა, რომ სამხედროები არ მიიღებდნენ მონაწილეობას ყაზახეთში საბრძოლო მოქმედებებში, მათი მისია სამშვიდობო მანდატით შემოიფარგლება.
