რატი ბრეგაძემ ეროვნული კონტრტერორისტული სტრატეგიის დოკუმენტის დამტკიცებაში მონაწილეობა მიიღო.
სახელმწიფო უსაფრთხოების სამსახურის ორგანიზებით, ტერორიზმის წინააღმდეგ ბრძოლის ეროვნული სტრატეგიისა და შესაბამისი სამოქმედო გეგმის შემმუშავებელი და შესრულების მონიტორინგის განმახორციელებელი უწყებათაშორისი მუდმივმოქმედი კომისიის მეხუთე სხდომა გაიმართა.
სხდომაზე ტერორიზმის წინააღმდეგ ბრძოლის შესახებ საქართველოს ეროვნული სტრატეგიისა და მისი სამოქმედო გეგმის მნიშვნელობა განიხილეს.
სხდომის დასასრულს, კომისიის წევრებმა, ეროვნული კონტრტერორისტული სტრატეგიის დოკუმენტი, კენჭისყრის შედეგად, ერთხმად მიიღეს. გრიგოლ ლილუაშვილმა კომისიის წევრი უწყებების ხელმძღვანელებს გაწეული სამუშაოსათვის მადლობა გადაუხადა.
