საზედამხედველო და საგამოძიებო ფუნქცია ინსპექტორის სამსახურს ერთად არ უნდა ჰქონდეს, ეს ქმნის სისტემურ პრობლემას, - აცხადებს საპარლამენტო უმრავლესობის წევრი დავით მათიკაშვილი სახელმწიფო ინსპექტორის სამსახურის გაყოფის შესახებ საკანონმდებლო ინიციატივის განხილვაზე საუბრისას.
„ხდება ამ სტრუქტურის ინსტიტუციური გასწორება და გაჯანსაღება. კანონპროექტის მიხედვით ეს სტრუქტურა ორ სამსახურად იყოფა“, - განმარტა დავით მათიკაშვილმა.
პარლამენტის ორმა კომიტეტმა სახელმწიფო ინსპექტორის სამსახურის გაყოფის ინიციატივას მხარი დაუჭირა.
სახელმწიფო ინსპექტორის სამსახურის შესახებ კანონში ცვლილებების ნაწილი, რომელიც უწყების თანამშრომლების გათავისუფლებას ითვალისწინებს, შესაძლოა, გადაიხედოს.