საბა ბუაძე - თბილისის მერის უპასუხისმგებლო და არაანგარიშვალდებული საქციელის საპასუხოდ, ლელო და თბილისის საკრებულოს ოპოზიციის სრული შემადგენლობა მოითხოვს საკრებულოს რიგგარეშე სხდომის მოწვევას და კახა კალაძის დაბარებას, როგორც ეს ადგილობრივი თვითმმართველობის კოდექსით არის გარანტირებული.
იმ ფონზე, როდესაც მერია ტარიფების გაძვირებას აანონსებს და თბილისის საკრებულო 2022 წლის ბიუჯეტს განიხილავს, ბატონი კალაძე არღვევს თვითმმართველობის კოდექსის მოთხოვნას და უარს აცხადებს საკრებულოს წინაშე ანგარიშის წარდგენაზე.
ჩვენ ვხედავთ რომ თბილისის მერი დაემალა კრიტიკულ შეკითხვებს და თავი აარიდა თბილისის საკრებულოში მოსვლას, სადაც შეკითხვები მათ შორის მის კორუფციულ საქმიანობასთან დაკავშირებით უნდა დასმულიყო. ამ ქმედებით კახა კალაძე და ქართული ოცნება კიდევ ერთხელ ადასტურებენ რომ კანონის უზენაესობა და დემოკრატიული პროცესი მათთვის ფორმალობასაც აღარ წარმოადგენს.
ლელოს ფრაქცია საკრებულოში გააგრძელებს მუშაობას იმისთვის, რომ ბატონი კალაძე და სხვა თავგასული თანამდებობის პირები კანონზე მაღლა ვერ დადგნენ და ანგარიშვალდებული იყვნენ საკრეულოს და თბილისელების წინაშე.
