ისრაელმა, ამერიკის შეერთებული შტატების მიმართულებით ფრენები აკრძალა და ამის მიზეზად შტატებში არსებული მძიმე ეპიდემიოლოგიური მდგომარეობა დაასახელა.
ამიერიდან, ისრაელის მოქალაქეებს მხოლოდ სპეციალური ნებართვის საფუძველზე ექნებათ საშუალება იმოგზაურონ ამერიკის შეერთებულ შტატებში.
გუშინ გამართულ ბრიფინგზე, ისრაელის პრემიერ მინისტრმა, ნაფტალი ბენეტმა აღნიშნა, რომ ფრენების აკრძალვით მთავრობას საკმარისი დრო ექნებოდა "ომიკრონის" შტამთან გამკლავების ახალი სტრატეგიის შესამუშავებლად.
შეგახსენებთ, რომ ისრაელის ხელისუფლებას ამერიკის შეერთებულ შტატებთან ერთად კიდევ 49 ქვეყნის მიმართულებით აქვს აკრძალული ფრენები.
