ჯანმრთელობის მსოფლიო ორგანიზაციის გენერალური დირექტორის, ტედროს ადანომ ღებრეიესუსის განცხადებით, კორონავირუსის ახალი "ომიკრონი" შტამი ისეთი უპრეცენდენტო სისწრაფით ვრცელდება, როგორც წინა შტამების შემთხვევაში არ დაფიქსირებულა.
ღებრეიესუსის განცხადებით, ოფიციალური მონაცემებით, "ომიკრონი" ამ დროისთვის 77 ქვეყანაშია დაფიქსირებული, თუმცა, შესაძლო, ის გაცილებით მეტ ქვეყანაში უკვე ცირკულირებდეს.
ჯანმო-ს ხელმძღვანელის განცხადებით, შემაშფოთებელია, რომ ზოგიერთი ადამიანი ახალ ვარიანტს აღიქვამს, როგორც ნაკლებად საშიშს.
"მაშინაც კი, თუ ომიკრონი იწვევს ნაკლებად მძიმე დაავადებას, შემთხვევების დიდმა რაოდენობამ შესაძლოა, კიდევ ერთხელ დააყენოს ჯანდაცვის სისტემები გადაულახავი გამოწვევის წინაშე", - თქვა მან.
"ომიკრონი" შტამი ნოემბერში აღმოაჩინეს სამხრეთ აფრიკაში. ექსპერტები თვლიან, რომ ომიკრონი ბევრად უფრო სწრაფად ვრცელდება, ვიდრე სხვა შტამები და შეიცავს მუტაციების დიდ რაოდენობას.
ჯანმო-მ "ომიკრონი" კორონავირუსის შემაშფოთებელ ვარიანტთა ნუსხაში შეიტანა.
