პარლამენტში 9-10 დეკემბერს ეკონომიკისა და იუსტიციის მინისტრებს მოუსმენენ. პარლამენტის თავმჯდომარის განმარტებით, მომავალი კვირა ბოლო სასესიო კვირაა.
"ხუთშაბათს და პარასკევს გვექნება ორი მინისტრის – ეკონომიკის და იუსტიციის მინისტრების მოსმენა და ოთხშაბათს გვექნება ბიუჯეტის დამტკიცება. სამშაბათი იქნება ჩვეულებრივად განცხადებების დღე, როგორც წესია და ყველა ის კანონპროექტი, რომელიც მისაღები გვაქვს, გადანაწილდება. რამდენიმე დაჩქარებულითაა შემოსული, რომელსაც მხარს დავუჭერთ. გადანაწილდება, კვირის განმავლობაში რომ იქნას მოსმენილი“, – განაცხადა საქართველოს პარლამენტის თავმჯდომარემ კახა კუჭავამ.