ბელარუსის თავდაცვის სამინისტომ უკრაინის სამხედრო ატაშეს ბელარუსის სახელმწიფო საზღვრის დარღვევასთან დაკავშირებით საპროტესტო ნოტა გადასცა, - იუწყება ბელარუსის თავდაცვის უწყების პრესსამსახური.
უწყების ინფორმაციით, მინსკში უკრაინის საელჩოს სამხედრო ატაშე საპროტესტო ნოტის გადასაცემად თავდაცვის სამინისტროს სამხედრო თანამშრომლობის დეპარტამენტში დაიბარეს.
საპროტესტო ნოტაში აღნიშნულია, რომ 2021 წლის 4 დეკემბერს ბელარუსის სახელმწიფო საზღვრის საჰაერო სივრცეში, დასახლებულ პუნქტ ნოვაია რუდნაიას ტერიტორიაზე, შეიჭრა უკრაინული ვერტმფრენი Mi-8.
"წარმოდგენილი ფაქტები ცხადჰყოფს, რომ უკრაინა თავს არიდებს აღებულ ვალდებულებებს, რომელიც რეგიონული უსაფრთხოებისა და ნდობის განმტკიცებისკენ არის მიმართული. ამასთან, ბელარუსის მიმართ ბრალდებების ფონზე, უკრაინა საზღვრის მახლობლად წვრთნებს ატარებს, რაც შესაძლოა, მუქარად იქნეს აღქმული", - ნათქვამია ბელარუსის თავდაცვის სამინისტროს მიერ გავრცელებულ განცხადებაში.
თავდაცვის სამინისტრო აღნიშნავს, რომ ფაქტების ერთობლიობა შესაძლოა, სამხრეთით ბელარუსის უსაფრთხოებისთვის მუქარაზე მიუთითებდეს.
4 დეკემბერს, ბელარუსის სახელმწიფო სასაზღვრო კომიტეტის განაცხადა, რომ წვრთნებისას უკრაინული Mi-8 შეიჭრა ბელორუსის საჰაერო სივრცეში დაახლოებით 1 კილომეტრის სიღრმეზე.
კიევმა უარყო მინსკის განცხადება უკრაინული ვერტმფრენის მიერ ბელორუსის საჰაერო სივრცის დარღვევის შესახებ.