მქონდა შესაძლებლობა მინისტერიალის ფარგლებში გავსაუბრებოდი ამერიკის სახელმწიფო მდივანს, ენტონი ბლინკენს, აცხადებს საგარეო საქმეთა მინისტრი. დავით ზალკალიანის განმარტებით, შეხვედრაზე გამოითქვა მზაობა სტრატეგიული პარტნიორობის კიდევ უფრო განმტკიცებისთვის.
"ჩვენ კიდევ ერთხელ ხაზი გაუსვით აშშ - საქართელოს სტრატეგიულ პარტნიორობას და მე მას მადლობა გადავუხადე საქართველოს მტკიცე მხარდაჭერისთვის, როგორც ნატო-ს, ასევე ეუთოს-ს ფარგლებში და სხვა საერთაშორისო ფორმატებში. გამოვთქვით მზაობა სტრატეგიული პარტნიორობის კიდევ უფრო განმტკიცებისთვის აქტიურად ვიმუშაოთ", - განაცხადა დავით ზალკალიანმა.