"მნიშვნელოვანია ისევ და ისევ აცრა, ვინაიდან ჩვენ ვაკვირდებით, რომ ქვეყნები, სადაც მოქალაქების 60 პროცენტზე მეტია აცრილი, და განსაკუთრებით მნიშვნელოვანი ჩემთვის 60 წელს გადაცილებული ადამიანები, ვინაიდან როგორც საქართველოს, ასევე ნებისმიერი სხვა ქვეყნის სტატისტიკა აჩვენებს, რომ სწორედ ამ ასაკში არის მაღალი ჰოსპიტალიზაცია, რეანიმაციაში განთავსება და მაღალი ლეტალობა", აცხადებს საქართველოს ჯანდაცვის მინისტრი ეკატერინე ტიკარაძე. მისი თქმით, სხვა ქვეყნების მაგალითზე 60 წელს ზემოთ მოქალაქეებში აცრის რაოდენობა აქვთ 90 პროცენტზე მეტი.
„სტატისტიკა არის საკმაოდ მძიმე, თუმცა ბოლო ერთი კვირის განმავლობაში ვაკვირდებით, რომ ინფექციის გავრცელების კოეფიციენტი არის ერთზე დაბალი, დღეს არის 0.91, რაც დაიმაიმედებელია, თუმცა მნიშვნელოვანია, ეს ნიშნული იყოს შენარჩუნებული და კიდევ უფრო დაწეული, რათა ჰოსპიტალურმა სექტორმა შეძლოს და გაუმკლავდეს მოცემულ რიცხვებს. რაც შეეხება სიკვილიანობას, სიკვდილიანობას ამცირებს ვაქცინაცია და მნიშვნელოვანია, 60 წელს ზევით მოქალაქეები იყვნენ მაქსიმალურად აცრილი, ეს მაქსიმალური რიცხვი ჩემთვის პირადად არის სულ მცირე 90 პროცენტი 60 წელს ზემოთ.
ეროვნული გეგმა დადებული იყო 2022 წლის პირველ იანვრამდე. აქედან გამომდინარე, უმჯობესია, ჯერ თავი შევიკავოთ ნებისმიერი შეფასებისგან. ჩვენ უკვე 40 პროცენტამდე მოქალაქეები გვყავს აცრილი. დიდი იმედი მაქვს, რომ 60 წელს ზემოთ მოქალაქეები, რომელთა აცრის მაჩვენებელი დღეს 30 პროცენტზე დაბალია, მეტად გააქტიურდებიან. მათთვის დაგეგმილია არაერთი წამახალისებელი ღონისძიება და დარწმუნებული ვარ, რომ მსგავსი წახალისებები მათზე იმოქმედებს, გააქტიურებს ამ პროცესს“, – განაცხადა ეკატერინე ტიკარაძემ.