პარტია "დროას" დამფუძნებელმა, ელენე ხოშტარიამ დღეს დილით სოციალურ ქსელში განცხადება გაავრცელა, სადაც აღნიშნულია, რომ მედიკამენტოზურ მკურნალობასა და გადასხმებზე უარს ამბობს.
"მთელი ღამე ველოდებოდი იმ კადრს ან ფრაზას, რომ გადაყავთ ამდენი ექიმის რეკომენდაციის და პანიკის შემდეგ. საბოლოო ჯამში, ღამიდან დავასკვენი, რომ იმ დროს, როცა სააკაშვილის თავში და არამარტო, მიდის საშიში პროცესები და კრიტიკულ რამდენიმე საათში გამოკვლეულიც კი არ არის ბოლომდე.
დრო არათუ აღარაა, შეიძლება დაგვიანებულია.
ამიტომ მე გადავწყვიტე, რომ ვაჩერებ მედიკამენტოზურ მკურნალობას კრიტიკული მაჩვენებლების წინააღმდეგ და სანამ არ გადაიყვანენ არაფერს არ გადავისხამ და არ მივიღებ.
მე სხვა გზა არ მაქვს. ვერ ვიჯდები უმოქმედოდ გადამწყვეტ წუთებში.
გადაიყვანეთ სააკაშვილი კლინიკაში სასწრფოდ!", აცხადებს ელენე ხოშტარია.