"ომბუდსმენის როლი საქართველოში შექმნილ პოლიტიკურ კრიზისსა და მიხეილ სააკაშვილის პატიმრობასთან დაკავშირებულ საკითხებში არის უმნიშვნელოვანესი“ - ამის შესახებ „ევროპული საქართველოს“ პოლიტსაბჭოს თავმჯდომარე, გიგი წერეთელმა ჟურნალისტებთან საუბრისას განაცხადა. მისი თქმით, მიმდინარე პროცესებში სახალხო დამცველი ძალიან სერიოზულ როლს ასრულებს.
„უპირველეს ყოვლისა მინდა აღვნიშნო, რომ სახალხო დამცველი ძალიან სერიოზულ, ძალიან მნიშვნელოვან როლს ასრულებს მთელ ამ პროცესში, რაც ეხება საქართველოში პოლიტიკურ კრიზისსა და მიხეილ სააკაშვილის პატიმრობასთან დაკავშირებულ საკითხებს. განსაკუთრებით ბოლო აქტი, კომპეტენტური ექიმებით დაკომპლექტებული კონსილიუმის შექმნა და ახლა მეორე ნაბიჯიც, რაც ასევე არის უპრეცენდენტო, როდესაც მან მიმართა სტრასბურგის სასამართლოს, რომ მესამე მხარედ ჩაერთოს პროცესში, რაც უდავოდ იქნება ძალიან საინტერესო პრეცენდენტიც და მე ვფიქრობ, რომ ძალიან საჭიროც, რათა სამართლიანი, ობიექტური ინფორმაცია მიეწოდოს სასამართლოს იმ გადაწყვეტილების წინ, რომელიც იმედი მაქვს აღმოჩნდება დრამატულად შემცვლელი, პოზიტიურ კონტექსტით ვამბობ ამას, მთელი ამ ვითარებისა რაც დღეს არის.“ - განაცხადა წერეთელმა
