ზუგდიდის საკრებულოს სხდომათა დარბაზიდან მოშიმშილეები ძალის გამოყენებით გაიყვანეს.
დაპირისპირებისას, ერთ-ერთი მოშიმშილე ქალი, მაია კალანდია შეუძლოდ გახდა. ადგილზე სასწრაფო დახმარების ბრიგადებია მობილიზებული.
საკრებულოს 5-მა წევრმა ოპოზიციონერმა ზუგდიდში შიმშილობა მიხეილ სააკაშვილის სამოქალქო კლინიკაში გადაყვანის მოთხოვნით დაიწყეს.
ამ დრომდე ისინი ფრაქციის ოთახში იმყოფებოდნენ, თუმცა, დღეს, მას შემდეგ, რაც გაირკვა, რომ ძველი მოწვევის საკრებულოს 2022 წლის ბიუჯეტზე უნდა ემსჯელა, სხდომათა დარბაზში გადაინაცვლეს.
