საპარლამენტო უმრავლესობის წევრმა, ირაკლი კობახიძემ, მამუკა მდინარაძემ და შალვა პაპუაშვილმა პარლამენტში მოშიმშილე პარტია „დროას“ ლიდერი ელენე ხოშტარია მოინახულეს.
როგორც მამუკა მდინარაძემ აღნიშნა, სახელმწიფოს ვალდებულებაა, იზრუნოს, როგორც პატიმრის, ასევე ნებისმიერი მოშიმშილის მკურნალობაზე.
პასუხისმგებლობა იმაზე, რასაც აკეთებს სააკაშვილი, არის სააკაშვილზე, ისევე როგორც შიმშილობის დროს პასუხისმგებლობა არის მოშიმშილეზე და ასევე სახელმწიფოზე არსებობს, სახელმწიფოს პოზიტიურ ვალდებულებას უწოდებენ ხოლმე ამას, რომ მან იზრუნოს როგორც პატიმრის, ასევე ნებისმიერი მოშიმშილის მკურნალობაზე, მის რეაბილიტაციაზე, შიმშილის შემდგომ პერიოდში და ა.შ აქედან გამომდინარე, ჩვენ თუ ეს პასუხისმგებლობები ერთმანეთისგან არ გავმიჯნეთ, ერთმანეთსაც და საზოგადოებასაც შევიყვანთ შეცდომაში”, - თქვა მდინარაძემ.
"დროას" ლიდერი გუშინ "ქართული ოცნების" სხვა დეპუტატებმა მოინახულეს. ელენე ხოშტარიას ჯანდაცვისა და ადამიანის უფლებათა კომიტეტის წევრები, დიმიტრი ხუნდაძე, დავით სერგეენკო და მიხეილ სარჯველაძე შეხვდნენ.
რამდენიმე დღის წინ ხოშტარია სოზარ სუბარმა და პარლამენტის თავმჯდომარე კახა კუჭავამ მოინახულეს.
ელენე ხოშტარია საქართველოს ყოფილი პრეზიდენტის მიხეილ სააკაშვილის სამოქალაქო კლინიკაში გადაყვანის მოთხოვნით 15 დღეა, შიმშილობს.