გასაგებია, რომ უკრაინა მისი მოქალაქის მიმართ ყურადღებიანი იქნება, მაგრამ გავიხსენოთ, რა მოხდა უკრაინაში და რა ხდება საქართველოში,- აცხადებს "ქართული ოცნების“ დეპუტატი გურამ მაჭარაშვილი.
მისი თქმით, დიდი დრო არ არის გასული, როცა უკრაინის სპეცრაზმს საქართველოს ყოფილი პრეზიდენტი სახურავიდან სამარცხვინოდ ჩამოჰყავდა, შემდეგ თმებში სწვდნენ და მანქანამდე თრევით მიიყვანეს - საზოგადოებას ეს კადრები ძალიან კარგად ახსოვს.
„გავიხსენოთ რა მოხდა უკრაინაში და რა ხდება საქართველოში, როცა პატიმარი იმდენს ბედავს, რომ ფიზიკურ და სიტყვიერ შეურაცხყოფას აყენებს ადამიანებს, ვინც ასე ემსახურებიან სახელმწიფოს. პატიმარ სააკაშვილის უფლებები და ჯანმრთელობა რა თქმა უნდა, დაცული იქნება.
მეგობრული ურთიერთობა ყველასთან გვინდა, მაგრამ ჯერ ჩახედონ, მის სასჯელაღსრულების სისტემას და შემდეგ საქართველოსას“, - განაცხადა გურამ მაჭარაშვილმა.
