ჯანდაცვის მსოფლიო ორგანიზაციამ, გადაუდებელი გამოყენებისთვის, ავტორიზაცია მიანიჭა ინდური კომპანია Bharat Biotech-ის მიერ შემუშავებულ ვაქცინას, სახელწოდებით Covaxin.
ორგანიზაციის ექსპერტების დასკვნით, რომ ვაქცინა "აკმაყოფილებს ჯანმო-ს სტანდარტებს COVID-19-ისგან დასაცავად" და "მისი სარგებელი ბევრად აღემატება რისკებს".
ჯანმო-ს მონაცემებით, ვაქცინა რეკომენდებულია 18 წელზე უფროსი ასაკის ადამიანებისთვის. Covaxin-ით ვაქცინაცია ხდება ორი დოზით ოთხი კვირის ინტერვალით.
მიმდინარე ზაფხულს, Bharat Biotech-მა განაცხადა, რომ მისი ვაქცინა 77%-ით ეფექტურია. მანამდე, Covaxin-ი გადაუდებელი გამოყენებისთვის დაამტკიცეს ინდოეთმა და ბრაზილიამ.
ამ დროისთვის, ჯანმრთელობის მსოფლიო ორგანიზაციის მიერ, გადაუდებელი გამოყენების ავტორიზაცია მინიჭებული აქვს - "ფაიზერს", "მოდერნას", "ასტრაზენეკას", "სინოვაკს", "სინოფმარს", "ჯენსენს".
