სამხრეთ კორეისა და შეერთებული შტატების სამხედრო-საჰაერო ძალებმა ერთობლივი წვრთნები დაიწყეს. იტყობინება სამხრეთკორეული ტელეკომპანია KBS ქვეყნის თავდაცვის სამინისტროში მომუშავე წყაროზე დაყრდნობით.
წყაროს ინფორმაციით, ერთობლივი სამხედრო მანევრები 5 დღეს გასტანს. წვრთნებში დაახლოებით 100 ერთეული თვითმფრინავი მიიღებს მონაწილეობას, მათ შორის სამხრეთ კორეის ფლაგმანი გამანადგურებლები F-15K და KF-16, ასევე, ამერიკული F-16.
სამხრეთ კორეის საჰაერო ძალების სარდლობა დამატებითი დეტალების გამჟღავნებისგან თავს იკავებს, თუმცა აღნიშნავს, რომ წვრთნები მიმდინარეობს "დაბალანსებულად, გეგმის შესაბამისად".
ბოლო წლების განმავლობაში, ორი მოკავშირე სახელმწიფო ერთობლივ წვრთნებს მცირე მასშტაბით ატარებს, რათა მხარი დაუჭირონ დიპლომატიურ ძალისხმევას, რომელიც ჩრდილოეთ კორეასთან კონტაქტების აღდგენას ისახავს მიზნად.
