ერთიანი ოპოზიცია სამოქმედო გეგმას გაახმოვანებს - ამის შესახებ მერობის ოპოზიციურმა კანდიდატმა ნიკა მელიამ პირველადი შედეგების გამოქვეყნების შემდეგ განაცხადა.
მელიას თქმით, ქვეყანაში არჩევნები გაუქმებულია, უკომპრომისო ბრძოლა კი ბოლომდე იქნება.
ნიკა მელიამ მხარდამჭერებს დღეს რუსთაველის გამზირზე მისვლისკენ მოუწოდა. ამის შესახებ მელიამ ბრიფინგზე განაცხადა. მისი თქმით, არც ერთი თავმოყვარე საქართველოს მოქალაქე არ აპირებს ამ ყველაფერთან შეგუებას.
„გუშინ ბრძოლა არ დასრულებულა, გუშინ ბრძოლა დაიწყო და ბუნებრივია, არ ვაპირებთ არც ერთი თავმოყვარე საქართველოს მოქალაქე ამ ყველაფერთან შეგუებას და აპირებს ძალიან მტკიცე, ურყევ ბრძოლას მშვიდობიანად. იმისთვის, რომ კონკრეტული გეგმა გაგაცნოთ, დღეს საღამოს 19:00 საათზე გელოდებით რუსთაველის გამზირზე, პარლამენტთან, რათა კონკრეტული გეგმის თაობაზე ერთმანეთს ვესაუბროთ. არავის ჰქონდეს ილუზია, რომ გაყალბებული, ძალადობრივი, სულში შეურაცხყოფამიყენებული გზით მოპარული არჩევნები რომელიმე ხელისუფალს შერჩება. ამიტომ, გელოდებით თბილისელებო“, – განაცხადა ნიკა მელიამ.
