გიორგი გახარია, მაჟორიტარობის კანდიდატთან, შოთა წურწუმიასთან ერთად ჩხოროწყუს სოფელ კირცხში, ლეწურწუმეში და სოფელ სარაქონიში იმყოფებოდა, სადაც მოსახლეობას შეხვდა.
შოთა წურწუმია ადგილობრივი თვითმმართველობის არჩევნების მეორე ტურში გადავიდა და პარტია „საქართველოსთვის“ ჩხოროწყუს საკრებულოს მაჟორიტარობის კანდიდატია. ჩხოროწყუში არჩევნების მეორე ტურში პარტიიდან „საქართველოსთვის“ ასევე იბრძვიან მაჟორიტარობის კანდიდატები ტარიელ შენგელია (ხაბუმეს ოლქი) და აჩიკო ცირამუა (მუხურისა და ზუმის ოლქი).
