უკრაინის სახალხო დამცველი ლუდმილა დენისოვა საქართველოში იმყოფება.
უკრაინელი ომბუდსმენი მიხეილ სააკაშვილის მოსანახულებლად რუსთავის N12 პენიტენციურ დაწესებულებაში უკვე შევიდა. დენისოვას ციხეში შესვლამდე კომენტარი არ გაუკეთებია.
უკრაინის სახალხო დამცველის ოფიციალურ ვებგვერდზე გამოქვეყნებული ინფორმაციის თანახმად, ლუდმილა დენისოვა უკვე გაესაუბრა მიხეილ სააკაშვილის უფლებადამცველებს ბექა ბასილაიას, დიმიტრი საძაგლიშვილსა და შოთა თუთბერიძეს.
ადვოკატებმა დენისოვას მიხეილ სააკაშვილის ჯანმრთელობის მდგომარეობის შესახებ მიაწოდეს ინფორმაცია და აღნიშნეს, რომ აუცილებელია მისი სამოქალაქო კლინიკაში გადაყვანა ხარისხიანი სამედიცინო მომსახურების გასაწევად.