ამხელა ბოროტებას ადარებ შენს ადგილობრივ ოპონენტს, ეს ნიშნავს, რომ იმათ ხსოვნას პატივს არ სცემ, გაუფასურებას ახდენ ნებისმიერი ტრაგედიის - ასე ეხმაურება „ევროპული საქართველოს“ თავმჯდომარე, გიგა ბოკერია ირაკლი ღარიბაშვილის განცხადებას.
"თავი რომ დავანებოთ ოპონენტების დემონიზებასა და სიძულვილის თესვას, ვერც კი ხვდებიან, უკვე მერამდენედ რამხელა შეურაცხყოფას აყენებენ, ფაშიზმის, კაცობრიობის ისტორიაში სტალინიზმ-კომუნიზმთან ერთად ყველაზე დიდი ბოროტების მსხვერპლთა ხსოვნას. სიტყვებს მნიშვნელობა აქვს, როდესაც ამხელა ბოროტებას ადარებ შენს ადგილობრივ ოპონენტს, ეს ნიშნავს, რომ იმათ ხსოვნას პატივს არ სცემ, გაუფასურებას ახდენ ნებისმიერი ტრაგედიის. ეს იყო უზარმაზარი ტრაგედია, მილიონობით ადამიანი, რომელიც შეეწირა ამ ბოროტებას, არის შეურაცხყოფილი პოლიტიკური არარაობების მიერ ამ თემის ასე უტიფრად გამოყენებით.“ - განაცხადა ბოკერიამ
ცნობისთვის, ირაკლი ღარიბაშვილმა თავის განცხადებაში საქართველოს მესამე პრეზიდენტი, მიხეილ სააკაშვილი ადოლფ ჰიტლერს შეადარა.
