პოლიტიკური პარტიების ნაწილი მიხვდა, რომ "ნაციონალურ მოძრაობასთან“ ახლო კავშირი მათ პოლიტიკურ მომავალზე უარყოფითად მოქმედებს, მიიჩნევს პარლამენტის პირველი ვიცე-სპიკერი გიორგი ვოლსკი. მისი აზრით, ეს პარტიები ასკვნიან, რომ "ნაცმოძრაობასთან“ ესოდენ ახლო კონტაქტი და ურთიერთობა, მით უმეტეს, დესტაბილიზაციის ხელშეწყობა, მათი პოლიტიკური მომავლისთვის დასასრულია.
„ზოგიერთი ოპოზიციური პარტია მიხვდა (და მგონი ეს დაგვიანებულიც არის), რომ მათი კავშირი „ნაციონალურ მოძრაობასთან“ პირდაპირ მიუთითებს, რომ ისინი იზიარებენ იმ სადისტური მართვის პერიოდს, რომელსაც სააკაშვილი განაგებდა. ისინი ასკვნიან, რომ „ნაცმოძრაობასთან“ ესოდენ ახლო კონტაქტი და ურთიერთობა, მით უმეტეს, დესტაბილიზაციის ხელშეწყობა, მათი პოლიტიკური მომავლისთვის დასასრულია“, - განაცხადა ვოლსკიმ.