"ნაციონალური მოძრაობის" მიერ არის დაგეგმილი ეს აქცია, ეს არის მათი აქცია და სხვა პარტიებს აქვთ არჩევანი შეუერთდნენ თუ არა მას, - აცხადებს საპარლამენტო ფრაქცია "ლელო - პარტნიორობა საქართველოსთვის" თავმჯდომარის მოადგილე სალომე სამადაშვილი.
სამადაშვილის განმარტებით, დღეს მთავარი ამოცანა ოპოზიციისთვის მეორე ტური უნდა იყოს.
"მიმაჩნია, რომ ჩვენს ქვეყანაში პოლიტიკური მართლმსაჯულების დასრულების ერთადერთი გზა არის ხელისუფლების შეცვლა. ამიტომ აქციები ვისაც მიაჩნია მიზანშეწონილად, შეუძლია გამართოს, ეს არის პოლიტიკური ბრძოლის ერთ- ერთი გზა, მაგრამ ამ ეტაპზე მე მიმაჩნია, რომ მთავარი ამოცანა ოპოზიციისთვის და ყველასთვის, ვისაც გარდამტეხი ცვლილებები და პოლიტიკური დევნის დასრულება სურს, ეს არის მეორე ტურში ოპოზიციის კანდიდატის გამარჯვება, აქეთკენ უნდა იყოს ჩემი აზრით მიმართული ყველას მცდელობა,"- განაცხადა სამადაშვილმა.
"ნაციონალური მოძრაობა" მიხეილ სააკაშვილის გათავისუფლების მოთხოვნით 14 ოქტომბერს თავისუფლების მოედანზე საპროტესტო აქციას გეგმავს. ოპოზიციური პარტიები აქციას არ უერთდებიან.
