ათობით ათასი ადამიანი გამოვიდა ოპოზიციის მოწოდების შემდეგ ევროკავშირიდან პოლონეთის შესაძლო გასვლის საწინააღმდგო აქციაზე. მხოლოდ ვარშავაში მომიტინგეთა რაოდენობამ 100 000-ს მიაღწია.
დემონსტრაციები მოჰყვა პოლონეთის საკონსტიტუციო სასამართლოს გადაწყვეტილებას იმის შესახებ, რომ ქვეყნის კონსტიტუციას ვარშავისთვის უფრო მეტი წონა აქვს, ვიდრე ევროკავშირის კანონმდებლობას.
აქციებზე, რომლებიც 160 ქალაქში გაიმართა, გამოტანილი იყო ლოზუნგები: "ჩვენ ვრჩებით ევროკავშირში". ყველაზე მრავალრიცხოვანი დემონსტრაცია ვარშავაში, ციხის მოედანზე გაიმართა. აქციის მონაწილეებს ოპოზიციონერმა პოლიტიკოსებმა, საზოგადო მოღვაწეებმა და ვარშავის აჯანყების ვეტერანებმა მიმართეს.
"ჩვენ ვიცავთ კონსტიტუციას, ვიცავთ პოლონეთის რესპუბლიკას უზურპატორებისგან", - განაცხადა მიტინგზე "სამოქალაქო პლატფორმის" ლიდერმა დონალდ ტუსკმა. მან აღნიშნა, რომ ევროკავშირის დატოვება შექმნის შესაძლებლობას დაირღვეს მოქალაქეების უფლებები და დემოკრატიული პრინციპები.
ექს-პრეზიდენტმა ლეხ ვალენსამ განაცხადა, რომ "არცერთ მტერს, ისე არ დაუყვია ერი, როგორც ამ ხელისუფლებამ დაყო".
ციხის მოედნიდან მომიტინგეთა ნაწილი მმართველი პარტიის ცენტრალური ოფისისკენ გაემართა, სადაც პოლიციასთან რამდენიმე მწვავე დაპირისპირება მოხდა. დააკავეს აქციის ერთი მონაწილეც. მარავალათასიანი აქციები ასევე გაიმართა გდანსკში, კრაკოვსა და ვროცლავში.
