9 ოქტომბერს საქალაქო სასამართლომ ისნის საოლქო საარჩევნო კომისიის საჩივრებს განიხილა, რასაც ისნის „ევროპული საქართველოს“ და საერთო ოპოზიციური მაჟორიტარობის კანდიდატი ბესიკ დონაძე ესწრებოდა, საბოლოო გადაწყვეტილება კი დღეს, 10 ოქტომბერს 11:00-ზე გახდა ცნობილი.
"როგორც ყოველთვის სასამართლომ "ევროპული საქართველოს" საჩივარი არ დააკმაყოფილა, გაიზიარა საოლქო საარჩევნო კომისიის გადაწყვეტილება და უარი თქვა უბნების გახსნაზე," - განაცხადა ისნის "ევროპული საქართველოს" და საერთო ოპოზიციური მაჟორიტარობის კანდიდატმა ბესიკ დონაძემ.
"ჩვენი სასარჩელო მოთხოვნა იყო ისნის საოლქო საარჩევნო კომისიის მიერ მე-16 და 26-ე უბნის გახსნა, აღნიშნული საჩივარი ჯერ საოლქო საარჩევნო კომისიამ არ დააკმაყოფილა და ჩვენ გავასაჩნივრეთ გადაწყვეტილება და შემოვედით სასამართლოს პირველ ინსტანციაში დღეს 11 საათზე იყო გამოცხადება და როგორც ყოველთვის სასამართლომ "ევროპული საქართველოს" საჩივარი არ დააკმაყოფილა, გაიზიარა საოლქო საარჩევნო კომისიის გადაწყვეტილება და უარი თქვა უბნების გახსნაზე, ეს არის დადასტურება იმისა, რომ ცენტრალური, საოლქო და საუბნო კომისიები რა შედეგებსაც დაწერენ დაადასტურებს სასამართლო, უბნები არ გაიხსნება და შესაბამისად დარჩება ის შედეგი რა შედეგიც არის დღეს", - განაცხადა დონაძემ