ბათუმში, კორპუსის ნანგრევებიდან კიდევ ერთი ბავშვი, რამდენიმე თვილი ჩვილი ამოიყვანეს.
გავრცელებული ინფორმაციით, ბავშვი ამ დროისთვის კლინიკაშია გადაყვანილი.
მანამდე, მაშველებმა ავტომანქანიდან, რომელიც ნანგრევების ქვეშ იყო მოყოლილი, მცირეწლოვანი ამოიყვანეს. ის დედასთან ერთად იაშვილის სახელობის კლინიკაში იმყოფება. კლინიკის დირექტორის განცხადებით, არასრულწლოვანს, ზედაპირული დაზიანებების გარდა, ქვედა კიდურის დაზიანებაც აღენიშნება.
ბათუმში, 26 მაისის ქუჩაზე ცოტა ხნის წინ კორპუსი ჩამოინგრა.
ადგილზე მობილიზებული არიან სახანძრო-სამაშველო ბრიგადები.
მსხვერპლის შესახებ ინფორმაცია ჯერჯერობით არ ვრცელდება. როგორც იუწყებიან, ჩამონგრეულია 5-სართულიანი კორპუსის ერთი ნაწილი. ერთ-ერთი თვითმხილველის ინფორმაციით, ჩამონგრევამდე აფეთქების ხმა გაისმა.
შსს-ის განცხადებით, სხვადასხვა რეგიონიდან ხდება სამაშველო ბრიგადების მობილიზება.