სალომე ზურაბიშვილი ზუსტად იგივეს საუბრობდა ჩემზეც, მაგრამ საზოგადოებრივი და საერთაშორისო ზეწოლის შემდეგ მოუწია თავისი გადაწყვეტილების შეცვლა, – აცხადებს ფოთის მერობის კანდიდატი გიგი უგულავა. უგულავას თქმით, პრეზიდენტი არაადეკვატურია, რომელიც სამართალდამცველებს სამართლიანობის და კანონიერების სადარაჯოზე დღეს მადლობას ეუბნება, მაშინ როდესაც ბოლო ერთი თვის განმავლობაში მოსმენებთან დაკავშირებით არაფერი უთქვამს.
„სალომე ზურაბიშვილი ზუსტად იგივეს საუბრობდა ჩემზეც, მაგრამ საზოგადოებრივი და საერთაშორისო ზეწოლის შემდეგ მოუწია თავისი გადაწყვეტილების შეცვლა. უსინდისობაა, უტიფარია და არაადეკვატურია პრეზიდენტი, რომელიც სამართალდამცველებს სამართლიანობის და კანონიერების სადარაჯოზე მადლობას ეუბნება, მაშინ, როდესაც მთელი ერთი თვეა, მთელი ქვეყანა შოკშია, პირდაპირი მნიშვნელობით, საცერივით არის და მთელი უბედურება გამოვლინდა სუს-იდან, რომ მთელ საქართველოს უსმენენ, მასაც უსმენენ, პედაგოგებს უსმენენ, მღვდლებს უსმენენ, აღსარებას უსმენენ, ერთი სიტყვა არ უთქვამს ამ ადამიანს, ეს არის ფარისეველი, ჩვეულებრივი მარიონეტი და ახლა აკვარკვალებს რაღაცა ცრემლებს. სირცხვილია, მართლა სამარცხვინოა. და მე არაფერი არ მითხოვია არც მისთვის, საერთაშორისო და ჩვენი საზოგადოების ზეწოლის შედეგია იყო“, – განაცხადა გიგი უგულავამ.
