საქართველოს პრეზიდენტმა სალომე ზურაბიშვილმა ფრანგულ გამოცემა "კვირის ჟურნალთან" (Le Journal Du Dimanche) საქართველოში არსებულ პოლიტიკურ ვითარებასთან დაკავშირებით ისაუბრა.
პრეზიდენტის განცხადებით, ნათელია, რომ ქვეყანაში კოალიციური მთავრობა აუცილებელია.
როგორც ზურაბიშვილმა განაცხადა, ქვეყანაში ღრმა პოლიტიკური კრიზისი თუ ამოიწურა, ამას მომავალი არჩევნები აჩვენებს.
"საქართველოში ჩვენ ძალიან ძლიერ პოლარიზაციაში ვცხოვრობთ. ეს მსოფლიო ფენომენი სხვა ფორმის პანდემიაა, რომლის წინააღმდეგაც დამატებითი მობილიზებაა საჭირო. ეს ითარგმნება იდენტობის თემების წამოჭრითა და საკუთარ თავში ჩაკეტვით. საქართველოში ჩვენ რთულ რეგიონში ვცხოვრობთ, მრავალი გაურკვევლობით, ჩვენი ქვეყნის 20% ოკუპირებულია. შესაბამისად, ასეთი ტენდენციაა: ჩემი იდენტობა არის ის, რაც ყველაზე ძვირფასი მაქვს.
პოლარიზაციის გადალახვა ძალიან რთულია. 9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალუციური მთავრობა აუცილებელია. თუმცა, რთულია იმის დანახვა, თუ როგორ შეძლებს ფუნქციონირებას, როდესაც პოზიციები ამდენად ანტაგონისტურია", - განაცხადა ზურაბიშვილმა.
