"ივანიშვილის რეჟიმის მიერ შექმნილ მძიმე ვითარებას უნდა დავუპირისპირდეთ ამ არჩევნებზე მოსვლით, ყველა მოქალაქის დარწმუნებით, რომ მისი ხმა წყვეტს ყველაფერს და დიახ, ამიტომ მიხარია, რომ თქვენნაირი გუნდი გვყავს აქ", - ამის შესახებ „ევროპული საქართველოს“ თავმჯდომარე გიგა ბოკერიამ, კახეთის გუნდის წარდგენაზე სიტყვის გამოსვლისას განაცხადა.
გიგა ბოკერიას განცხადებით, ეს არჩევნები არ არის მხოლოდ თვითმმართველობის არჩევნები, არ არის უბრალოდ არჩევნები
"ახლა თვითმმართველობის არჩევნებია და ნორმალურ ან ნორმალურთან მიახლოებულ პირობებშიც კი ის გუნდი, რაც ევროპულ საქართველოს ჰყავს კახეთში, ჩემი მიკერძოებული აზრით საუკეთესო გუნდი იქნებოდა იმისთვის, რომ ჩვენს ხალხს, ჩვენს მოქალაქეებს ემსახუროს თვითმმარველობის დონეზე. ეს ამოცანა საერთოდ დავივიწყოთ, მე მჯერა რომ თქვენ ხართ ის ადამიანები, ვინც ყველაზე კარგად წარმოადგენთ ხალხის ინტერესებს ყველა რაიონის თუ ქალაქის კახეთის თვითმმართველობაში, მაგრამ ჩვენ ასევე კარგად ვიცით, უნდა გამოვიყენოთ ყველა შესაძლებლობა, ვესაუბროთ მედიით, სოციალური ქსელით, პირად შეხვედრებში, ვუთხრათ მოქალაქეებს, რომ ეს არჩევნები არ არის მხოლოდ თვითმმართველობის არჩევნები, არ არის უბრალოდ არჩევნები, მე ყოველგვარი გადაჭარბების გარეშე მგონია და ამიტომაც ვიმეორება ამას ჯიუტად და იმედი მაქვს, რომ თქვენც მეთანხმებით და მიიტანთ ამ ამ სათქმელს ყველა მოქალაქემდე. არის ხოლმე ქვეყნების ისტორიაში მომენტები, რომლებიც განსაზღვრავს დიდი ხანი როგორი იქნება ქვეყნის ცხოვრება ამ ყველაფრის შემდეგ, არის მომენტები, როცა საზოგადოება და ხალხი ან აიღებს თავის ხელში პასუხისმგებლობას და გარდატეხს სახიფათო მიმართულებას, რომელიც ჩვენ შემთხვევაში ბიძინა ივანიშვილმა შექმნა ან უმოქმედობის ფასს გადავიხდით არამარტო ჩვენ, არამედ თაობები მომავალში დაკარგავენ შანსს, რომ ნორმალურ, თავისუფალ ქვეყანაში იცხოვრონ, სადაც სიცოცხლე, თავისუფლება და ბედნიერებისკენ სწრაფვის უფლება იქნება დაცული. სადაც ყველას აქვს შანსი, რომ ნორმალურად, წარმატებულად იცხოვროს და იფიქროს მისი ოჯახის წინსვლაზე, სადაც ქვეყნის დამოუკიდებლობაა დაცული, სადაც აღარ გვაქვს ყოველდღე საფიქრალი საკუთარი მთავრობა უთხრის თუ არა ჩვენი ქვეყნის სახელმწიფოებრიობას ძირს და რასაც ჩვენ დღეს ვხედავთ უფრო მკაფიოს, წლების განმავლობაში გროვდებოდა, კრიმინალებთან ალიანსი, პუტინისტურ ჯგუფებთან შეკვრა, ყველა ოპონენტის თუ ის პუტინის არ არის, მტრად გამოცხადება და ძალადობა, ხალხის ფულით გამდიდრება და ხალხიდან ამოღებული გადასახადებით უბრალოდ შექმნა სისტემის მარტო იმისთვის, რომ ძალაუფლებაში იყო", - განაცხადა გიგა ბოკერიამ.
მისივე განცხადებით, ამ ქვეყანას სჭირდება ისეთი ადამიანები, რომელთაც აქვთ რწმენა იმის, რომ სიტყვას ფასი უნდა ჰქონდეს, რომ უნდა გენდონ, მაშინაც კი როცა არ გეთანხმებიან უნდა იცოდნენ, რომ შენ გულისხმობ იმას, რასაც იძახი და ასეთი ძალა არის "ევროპული საქართველო".
"პირდაპირ თქმა, რომ ამბიცია არ უნდა გვქონდეს, როგორც ქვეყანას, რაც ივანიშვილმა გააკეთა მალევე ხელისუფლებაში მოსვლიდან, როცა ყველას უთხრა რომ ჩვენ ამ ჭაობში უნდა ვიყოთ და წინ არ უნდა წავიდეთ, რომ საქართველო ჩაწყობის და კორუფციის ქვეყანა, სხვა სიტყვებით იგივე თქვა და რაც მთავარია, პუტინისტურ ძალებთან ალიანსის და რუსეთის გაძლიერებასთან ერთად, რასაც ის ნერგავს, ძირს უთხრის ჩვენს რწმენას საკუთარ თავში და საზოგადოებაში, ყველგან უნდა რომ მიგვაჩვიოს სიბინძურეს, პოლიტიკა, საზოგადოებრივი ცხოვრება, ტყუილის თქმა, გადაგდება, ეს არის ვითომ ჩვენი ეროვნული თვისებები და ამას უნდა შევეგუოთ. ყველა უნდა იყოს პოლიტიკურად ნაძირალა, ასეთ ატმოსფეროს ცვლის და ამას გვაჩვევს. ამას უნდა დავუპირისპირდეთ ამ არჩევნებზე მოსვლით, ყველა მოქალაქის დარწმუნებით, რომ მისი ხმა წყვეტს ყველაფერს და დიახ, ამიტომ მიხარია, რომ თქვენნაირი გუნდი გვყავს აქ, ჩვენთვის გადამწყვეტი მნიშვნელობა აქვს ამ რეჟიმის დამარცხებას, მაგრამ იმასაც თუ რა მოხდება ამ რეჟიმის დამარცხების შემდეგ. ამ ქვეყანას სჭირდება ისეთი ადამიანები, რომელთაც აქვთ რწმენა იმის, რომ სიტყვას ფასი უნდა ჰქონდეს, რომ უნდა გენდონ, მაშინაც კი როცა არ გეთანხმებიან უნდა იცოდნენ, რომ შენ გულისხმობ იმას, რასაც იძახი და ასეთი ძალა არის ევროპული საქართველო, ასეთი ადამიანები ხართ თქვენ. სასოწარკვეთა ერთ-ერთი ყველაზე საშიში რამეა, იმიტომ რომ ადამიანს უბიძგებს ხელები ჩამოუშვას და მიუშვას, ბოროტება იმარჯვებს იქ, სადაც კარგი ადამიანები არ მოქმედებენ. თქვენი დახმარებით დღევანდელი ვითარება უნდა გადავტეხოთ და ვუთხრათ ყველას, მათ შორის ჩვენ პოლიტიკურ ძალაზე, ისევ ილიას სიტყვები უნდა გამოვიყენო, იმიტომ რომ ისეა თითქოს ახლანდელ ამბებზე წერდაო ჩვენი თანამედროვე საზოგადოების დამფუძნებელი - "ვისაც ლიბერალობა და პატრიოტობა სალანძღავ სიტყვად არ მიგაჩნიათ მხარი დაუჭირეთ ევროპულ საქართველოსა და ჩვენ გუნდს", - განაცხადა ბოკერიამ.
