ალბანეთის პარლამენტმა დაამტკიცა ქვეყნის ახალი მთავრობა, რომელშიც ქალი მინისტრები დომინირებენ და სამთავრობო პროგრამა, რომელიც მიზნად ისახავს ეკონომიკურ წინსვლას, ტურიზმის, სოფლის მეურნეობის, ინფრასტრუქტურისა და ენერგეტიკის სფეროების განვითარებაზე ფოკუსირებით.
მთავრობისა და სამთავრობო პროგრამის დამტკიცებას პარლამენტში წინ უძღოდა 20-საათიანი დებატები, რომლის შემდეგაც 140-წევრიანი პარლამენტის 77-მა წევრმა მხარი დაუჭირა პრემიერ-მინისტრ ედი რამას ახალ კაბინეტს.
25 აპრილს გამართულ საპარლამენტო არჩევნებში მემარცხენე სოციალისტურმა პარტიამ ზედიზედ მესამედ გაიმარჯვა და 74 მანდატი მოიპოვა. მთავარმა ოპოზიციურმა მემარჯვენე დემოკრატიულმა პარტიამ კი 59 ადგილი მიიღო.
პარლამენტის წინაშე სიტყვით გამოსვლისას, 57 წლის ედი რამამ განაცხადა, რომ ამაყია, რადგან მისი მთავრობა შევა ისტორიაში ქალი მინისტრების რაოდენობით.
ალბანეთის ახალი მინისტრთა კაბინეტის 17 წევრიდან 12 ქალია, რაც ქვეყანას გლობალური რეიტინგის სათავეში აქცევს მთავრობაში ქალი მინისტრების რაოდენობით.
ედი რამას განცხადებით, მისი მთავრობის მთავარ გამოწვევა იქნება 2019 წლის დამანგრეველი მიწისძვრის შემდეგ დაწყებული რეკონსტრუქციის პროცესის დასრულება, პანდემიასთან გამკლავება და ეკონომიკაზე მისი გავლენის შემცირება, ასევე კორუფციასა და ნარკოტიკებით ვაჭრობასთან ბროლა, ხელფასების ზრდა და უმუშევრობის შემცირება.
რამას განცხადებით, მისი მიზანია, 2030 წლისთვის ალბანეთი გახდეს "ბალკანეთის ტურიზმის ჩემპიონი".
ალბანეთში 2.8 მილიონი ადამიანი ცხოვრებს. იგი 2009 წლიდან შეუერთდა ნატო-ს და იმედოვნებენ, რო წლის ბოლოდა დაიწყება ევროკავშირის წევრობის მოლაპარაკებები.