რუსეთში ირკუტსკის ოლქში სამგზავრო თვითმფრინავი L-410 ჩამოვარდა. იუწყება „ინტერფაქსი“.
გამოცემის ინფორმაციით, თვითმფრინავი დაბალი სიმაღლიდან მძლავრად დაეხეთქა ხმელეთზე და ნაწილებად დაიშალა, რის შემდეგაც ცეცხლი გაუჩნდა.
როგორც უწყებიან, თვითმფრინავის ბორტზე 14 მგზავრი და ეკიპაჟის ორი წევრი იმყოფებოდა. მსხვერპლის შესახებ ინფორმაცია არ ვრცელდება.
ზოგიერთი წყაროს ინფორმაციით, რამდენიმე ადამიანი დაშავდა, ერთის მდგომარეობა კი კრიტიკულია. დაუზუსტებელი ცნობით, მფრინავი გარდაიცვალა.
