ავღანელი მირ ნაზირი ამბობს, რომ იძულებულია ოთხი წლის შვილი 580 დოლარად გაყიდოს, რათა შიმშილისგან იხსნას შვიდსულიანი ოჯახი. ამის შესახებ გაზეთი Times-ი წერს.
მამა ყვება, რომ მაღაზიის უშვილო მფლობელმა მას 20 ათასი აფგანი (236 დოლარი) შესთავაზა, რათა მისი ქალიშვილი საფია ბიზნესმენთან გადასულიყო და მის მაღაზიაში ემუშავა, მაგრამ ნაზირისთვის ეს ძალიან მცირე თანხა იყო და 50 ათასი აფგანი (580 დოლარი) სთხოვა.
მამაკაცი ამბობს, რომ იძულებული იყო ეს ოჯახის გადასარჩენად გაეკეთებინა. "ეს ჩემი არჩევანი არ არის. საქმე სასოწარკვეთილებაშია", - თქვა მან.
თავად ნაზირი ბაზარში მტვირთავად მუშაობს, მაგრამ ამბობს, რომ აღებული ჯამაგირი ბინის ქირისთვისაც არ ყოფნის.
ადრე ის ქალაქ ღაზნიში პოლიციელი იყო, მაგრამ სამსახური დაკარგა და ცოლთან და ხუთ შვილთან ერთად ქაბულში ჩავიდა თალიბების მიერ ხელისუფლების ხელში ჩაგდებამდე რამდენიმე დღით ადრე.
"ჩვენ ჯერ კიდევ ვფიქრობთ, თუ ის (4 წლის ქალიშვილი) მაღაზიაში იმუშავებს, შესაძლოა, მას კარგი მომავალი ქონდეს, ვიდრე ჩემთან, ეს ფული კი ჩემს ოჯახს გადაარჩენს", - ამბობს მირ ნაზირმა.
ფოტო: არქივი
