ტაივანის ხელისუფლების განცხადებით, 5 სექტემბერს საჰაერო თავდაცვის საიდენტიფიკაციო ზონაში (ADIZ) ჩინეთის 19 სამხედრო თვითმფრინავი შეიჭრა.
ტაივანის თავდაცვის სამინისტოს ცნობით, სამხედრო თვითმფრინავებს შორის ბირთვული იარაღის გადატანის შესაძლებლობის მქონე ბომბდამშენებიც იყო.
საჰაერო თავდაცვის საიდენტიფიკაციო ზონა (ADIZ) არის სივრცე ქვეყნის ტერიტორიისა და ეროვნული საჰაერო სივრცის მიღმა, სადაც უცხო ქვეყნის თვითმფრინავების იდენტიფიცირება, მონიტორინგი და კონტროლი ხდება ეროვნული უსაფრთხოების ინტერესებიდან გამომდინარე.
საჰაერო თავდაცვის საიდენტიფიკაციო ზონა (ADIZ) ერთგვარად თვითგამოცხადებული ზონაა და ტექნიკურად საერთაშორისო საჰაერო სივრცედ მიიჩნევა.
ტაივანის თავდაცვის სამინისტროს განცხადებით, ჩინეთის გაფრთხილების მიზნით, უწყებამ სარაკეტო სისტემები განალგა და საბრძოლო თვითმფრინავები გაგზავნა.
ჩინეთს ჯერჯერობით ოფიციალური კომენტარი არ გაუკეთებია.
პეკინი ხშირად აწყობს ასეთ მოულოდნელ სამხედრო მისიებს, როდესაც ტაივანის რომელიმე ქმედებით უკმაყოფილია. ივნისში ADIZ-ში ჩინეთმა 28 სამხედრო თვითმფრინავი გაგზავნა, 24 იანვარს - 15 თვითმფრინავი, ხოლო 12 აპრილს - 25.
ჩინეთი დემოკრატიულ ტაივანს განიხილავს, როგორც სეპარატისტულ პროვინციას, მაგრამ ტაივანი საკუთარ თავს სუვერენულ სახელმწიფოდ მიიჩნევს.
