ლუიზიანის შტატს მძლავრი ქარიშხალი "იდა" უახლოვდება. სინოპტიკოსების ინფორმაციით, მე-4 კატეგორიის სიმძლავრის ქარიშხალი ლუიზიანას უახლოეს საათებში დაატყდეს თავს.
შტატის გუბერნატორმა მოსახლეობა გააფრთხილა, რომ ქარიშხალი შესაძლოა ბოლო 150 წლის განმავლობაში ერთ-ერთი ყველაზე დამანგრეველი გახდეს.
შტატის მოსახლეობა ემზადება დამანგრეველი სტიქიისთვის, მოქალაქეთა ნაწილი შტატს ტოვებს, რის გამოც მაგისტრალებზე შექმნილია საცობი.
მანამდე "იდამ" კუბისა და იამაიკის ზოგიერთ ტეროტორიას გადაუარა, ძირფესვიანად მოგლიჯა ხეები და საცხოვრებელ სახლებს სახურავები გადახადა.
ზოგიერთი სინოპტიკოსის ვარაუდით, "იდა" შეიძლება ქარიშხალ "კატრინაზე" მძლავრი გახდეს, რომელმაც 2005 წელს მისისიპისა და ლუიზიანის შტატების სანაპირო ზოლი გაანადგურა.