გაერთიანებული სამეფოს შეიარაღებული ძალების ხელმძღვანელმა, გენერალმა ნიკ კარტერმა განაცხადა, რომ დიდი ბრიტანეთი ავღანეთიდან მოქალაქეების ევაკუაციას დღეს დაასრულებს.
"ჩვენ ვასრულებთ ევაკუაციას, რომელიც გაგრძელდება დღეს. ამის შემდეგ აუცილებელი იქნება ჩვენი სამხედროების დაბრუნება დარჩენილი თვითმფრინავით. ჩვენ ვერ შევძელით ყველას გამოყვანა, რაც გულს გვტკენს. ადგილზე ძალიან რთული გადაწყვეტილებების მიღება იყო საჭირო", – განაცხადა კარტერმა.
გაერთიანებული სამეფოს თავდაცვის დეპარტამენტის მონაცემებით, ბრიტანეთმა 13 აგვისტოს შემდეგ ქაბულიდან 14 543 ადამიანი გაიყვანა.