რუსეთში პერმის მხარეში რუსული ბომბდამშენი Су-24 ჩამოვარდა. იტყობინება სააგენტო "ინტერფაქსი" ინფორმირებულ წყაროზე დაყრდნობით.
"Су-24 ასრულებდა სასწავლო ფრენას, რა დროსაც ჩამოვარდა, წინასწარი მონაცემებით, ტექნიკუი გაუმართაობის გამო. ორივე მფრინავმა კატაპულტირება მოასწრო და გადარჩნენ", - თქვა წყარომ.
მისი განცხადებით, შემთხვევა პერმის მხარეში, ქალაქ ვერეშჩაგინოს სიახლოვეს მოხდა.
"მფრინავები არ არიან პერმიდან, ისინი უბრალოდ იქ სასწავლო ფრენებისთვის იმყოფებოდნენ", - დასძინა წყარომ.
კიდევ ერთი ინციდენტი, რა დროსაც სასწავლო ფრენისას რუსული სამხედრო თვითმფრინავი ჩამოვარდა, 18 აგვისტოს, ასტრახანის მახლობლად მოხდა. მაშინ კატასტროფა განიცადა რეაქტიულმა თვითმფრინავმა Миг-29.