საქართველოს ჯანდაცვის მინისტრის ეკატერინე ტიკარაძის განცხადებით, საქართველოში გარკვეული ჯგუფებისთვის ვაქცინის მესამე დოზის დაშვება განიხილება.
"მესამე ე.წ. ბუსტერ დოზაზე გადაწყვეტილება ამ ეტაპზე მიღებულია მხოლოდ გარკვეულ ჯგუფზე, ჩვენ ამ კვირაში ვიმსჯელებთ, რომ საქართველოს პროტოკოლშიც შევიტანოთ ეს ცვლილება. ჯანმრთელობის მსოფლიო ორგანიზაციის რეკომენდაციებს დაველოდებით და შედეგად მივიღებთ გადაწყვეტილებებს. მესამე დოზებთან დაკავშირებით მსოფლიოს მასშტაბით მიღებულია გადაწყვეტილება გარკვეულ ჯგუფზე, რომ პროტოკოლში გაიწეროს, ვისაც მესამე დოზა ექნება განსაზღვრული", - განაცხადა ტიკარაძემ.
ჯანდაცვის მინისტრის თქმით, მასობრივად მესამე დოზების გამოყენების შესახებ ჯერჯერობით მსჯელობა არ მიმდინარეობს.
