სამხრეთ კორეაში ჩატარებული ახალი კვლევის თანახმად, „ფაიზერისა“ და „ასტრაზენეკას“ ვაქცინების შერევა გაცილებით ეფექტური აღმოჩნდა, ვიდრე მხოლოდ „ასტრაზენეკას“ ვაქცინა.
კვლევის ფარგლებში, იმ პაციენტების ორგანიზმმა, რომელთაც „ასტრაზენეკას“ ვაქცინის პირველი დოზა ჰქონდათ მიღებული, ხოლო მეორე დოზად „ფაიზერის“ ვაქცინა მიიღეს, 6-ჯერ მეტი ანტისხეული გამოიმუშავეს, ვიდრე იმ პაციენტებმა, ვისაც ორივე დოზად „ასტრაზენეკას“ ვაქცინა ჰქონდა მიღებული.
კვლევაში 499 სამედიცინო სფეროში დასაქმებული ადამიანი მონაწილეობდა. 100-მა შერეული დოზა გაიკეთა, 200-მა ფაიზერის ორი დოზა, ხოლო 199-მა ასტრაზენეკას ორი დოზა.
კვლევის ყველა მონაწილის ორგანიზმმა ვირუსის გამრავლების შესაკავებლად საჭირო ანტისხეული გამოიმუშავა, თუმცა განსხვავებული რაოდენობით. „ფაიზერის“ ორივე დოზით აცრილებსა და შერეული დოზებით აცრილებს ანტისხეულების თანაბარი რაოდენობა გამოუმუშავდათ, ხოლო ასტრაზენეკას ვაქცინის ორივე დოზით აცრილებს კი გაცილებით დაბალი.
სამხრეთ კორეაში ჩატარებული კვლევის შედეგების მსგავსი რეზულტატი მიიღეს ბრიტანეთში ჩატარებული კვლევის შედეგადაც, სადაც კვლევაში მონაწილე პაციენტებს ჯერ ასტრაზენეკას, ხოლო შემდეგ კი ფაიზერის ვაქცინები გაუკეთეს.